Súkkulaðigrautur með grískri jógúrt

Ég elska að byrja daginn vel með góðum morgunmat og ekki verra ef ég hef gefið mér smá tíma kvöldinu áður í að útbúa þennan graut.

Þessi uppskrift er unnin í samstarfi við MS gott í matinn.

Innihald fyrir einn:

2 weetabix prótein kökur

100 ml léttmjólk eða önnur mjólk

smá hunang

120 g grísk jógúrt

25 g súkkulaðiprótein (má sleppa)

1 tsk kakó

Smá weetabix mulningur ofan á

Súkkulaði

1 msk kókosolía

1 msk kakó

1 msk hunang eða önnur sæta

Þú byrjar á því að brjóta niður tvær weetabix kökur í skál og hellir mjólkinni yfir þær. Þú blandar þessu saman og þjappar niður í skálina. Í aðra skál blandar þú saman grísku jógúrtinni og próteinduftinu og hellir því yfir botninn. Þú blandar saman í skál bræddri kókosolíu, kakó og hunangi. Mylur smá weetabix ofan á og hellir svo súkkulaðinu yfir toppinn.

Gott að láta grautinn bíða yfir nótt eða í um 1 klst í kæli áður en hann er borðaður.

Endilega láttu mig vita ef þú prufar þessa uppskrift með því að tagga mig á instagram @helgamagga