Þessi hafragrautur er gerður kvöldinu áður og látinn bíða í ísskáp yfir nótt. Ótrúlega næringarríkur og algjör trefja bomba! Þessi er mjög sniðugur fyrir þá sem taka með sér nesti og geta þá gert hann kvöldinu áður.
Innihald:
50 gr haframjöl
100 gr hreint skyr
5 gr chia fræ
20 gr rúsínur (má sleppa)
120 ml mjólk eða möndlumjólk
30 gr frosin hindber
30 gr frosin bláber
Öllu hrært saman í ílát og látið bíða yfir nótt. Mér finnst gott að setja berin út í grautinn kvöldinu áður og láta þau þiðna yfir nótt.
Næring í þessum graut:
Kolvetni: 52,6 gr
Prótein: 20 gr
Fita: 7 gr
Trefjar: 10 gr
Endilega láttu mig vita ef þú prufar þessa uppskrift með því að tagga mig á instagram @helgamagga