Þessi kotasæluís er búinn að vera að gera allt vitlaust á tiktok og er algjörlega kominn í uppáhald hjá börnunum mínum. Ég mæli með því að gera tvöfalda uppskrift því það er leiðinlegt að bíða eftir næsta skammti úr frystinum.
Þessi uppskrift er unnin í samstarfi við MS - gott í matinn.
Innihald:
200 g kotasæla
150 g frosin jarðaber
10 g hunang
safi úr hálfi límónu
Ég hef verið að gera ísinn án próteindufts þar sem börnin mín borða mikið af honum. En að sjálfsögðu er hægt að bæta próteindufti út í ísinn, t.d. 30 g af próteindufti með vanillu- eða jarðaberjabragði.
Það er fínt að láta jarðaberin þiðna örlítið á borði, þeim er svo blandað saman við kotasæluna, hunangið og límónu safann í blandara. Einnig er hægt að nota fersk jarðaber. Þegar ísinn er frystur er gott að hræra aðeins upp í honum inn á milli. Næring í 100 gr af ísnum:
Kolvetni: 7,8 g
Prótein: 7,7 g
Fita: 2,7 g
Trefjar: 0,7 g Endilega láttu mig vita ef þú prófar þessa uppskrift með því að tagga mig á instagram @helgamagga
