Kjúklingasalat með stökkum hrísgrjónum

Helga Gunnarsdottir
May 27
2 min read

Updated: May 28

Einstaklega sumarlegt og ferskt salat með stökkum hrísgrjónum. Tilvalinn réttur þegar þú vilt bjóða fólki í mat eða einfaldlega dekra við fjölskylduna þína.

Þessi uppskrift er unnin í samstarfi við MS - Gott í matinn.

Innihald:

Stökkt hrísgrjón

200 g hrísgrjón (ég notaði poka grjón, tvo poka)

1 msk ólífuolía

1 tsk paprika, 1 tsk oreganó, 1 tsk hvítlauksduft

Kjúklingur

3 - 4 kjúklingabringur (ég var með 830g)

2 msk ólífuolía

2 tsk malað túrmerik

2 tsk cumin

1 tsk kanill

1 tsk hvítlauksduft

½ tsk svartur pipar

Salat

1 gúrka skorin í bita

1 askja kirsuberjatómatar, skornir í tvennt

½ rauðlaukur, sneiddur fínt (má vera meira)

6 litlar súrar gúrkur, skornar í litla bita

1 lúka fersk mynta, söxuð smátt

80 g salat

Jógúrtsósa

200 g grísk jógúrt

2 msk tahiní

2 msk ólífuolía

sítrónusafi úr 1 sítrónu

2 hvítlauksrif

1 tsk salt

1 msk hunang eða hlynsíróp

Byrjaðu á að sjóða hrísgrjónin og hita ofninn í 200°C. Settu svo soðin og örlítið kæld hrísgrjón á bökunarplötu og blandaðu saman við þau ólífuolíu og kryddi. Bakaðu í 30–35 mínútur, hrærðu einu sinni á miðri leið. (Fylgstu með svo þau brenni ekki).

Á meðan hrísgrjónin eru í ofninum er kjúklingurinn skorinn og svo steiktur á pönnu ásamt kryddinu.

Skerðu niður öll hráefnin fyrir salatið og settu í stóra skál. Láttu kjúklinginn kólna örlítið áður en hann er settur út á salatið. Taktu hrísgrjónin úr ofninum og kældu örlítið.

Næst er sósan útbúin, öll innihaldsefnin eru sett í matvinnsluvél og blandað saman þar til sósan er orðin silkimjúk. Ég notaði töfrasprota.

Bættu kjúklingnum og stökkum hrísgrjónum ofan á salatið og að lokum er sósunni hellt yfir.