Þetta salat er mjög gott sem meðlæti með kjúklingi eða eitt og sér, það er líka vegan.
Uppskriftin er eftirfarandi:
150 gr brokkolí
150 gr paprika
210 gr kjúklingabaunir niðursoðnar (ein krukka)
60 gr þurrkuð trönuber
Allt skorið smátt niður og blandað saman í skál. Ég tek hýðið af kjúklingabaununum en það er smekksatriði. Líka mjög gott að setja 25 gr blaðlauk og smá kóríander, ég set það með ef ég á það til.
Sósan: gott að gera hana í blandara, henni er svo hellt yfir salatið og öllu blandað vel saman.
50 gr tahini
sítrónusafi úr hálfri sítrónu (um 30ml)
4-5msk heitt vatn
1 hvítlauksgeiri
10 gr fiber sýróp/maple sýróp (2 tsk)
1 tsk karrý
5 gr ferskt engifer
1/2 tsk turmeric duft
salt og pipar
Næring í 100 gr
Kolvetni: 17,1 gr
Prótein: 3,8 gr
Fita: 4,3 gr
Trefjar: 3,7 gr
Endilega láttu mig vita ef þú prufar þessa uppskrift með því að tagga mig á instagram @helgamagga