Þessar brauðstangir er sniðugt að gera um leið og próteinpizzan er bökuð, krökkunum mínum finnst þær æðislegar og ómissandi með föstudags pizzunni. Ég er að nota sama deig og í próteinpizzuna. Það er hægt að kaupa brauðstangakrydd í Ikea og fleiri stöðum, svo er líka hægt að búa það til sjálfur, sjá uppskrift hér neðar.
Þessi uppskrift er gerð í samstarfi við MS - Gott í matinn.
Innihald í 10 brauðstangir
- 1 bolli hveiti / 140 gr
- 1 bolli hreint Ísey skyr / 230 gr
- 1 tsk lyftiduft / 5 gr
- eggjahvíta til penslunar (eða egg)
- brauðstangakrydd
Brauðstangakrydd:
- 1 tsk salt
- 1 tsk hvítlaukskrydd
- 1 tsk oreganó
- 1 tsk paprika
- 1 tsk basilíka
- smá svartur pipar og cayenne pipar
Allt sett saman í skál og hnoðað saman, mér finnst oft þægilegast að nota hrærivélina í þetta en það er líka hægt að hræra þetta í höndunum. Ég geri kúlu úr deiginu og skipti því svo í 10 parta og mynda brauðstangir. Brauðstangirnar eru settar á plötu, penslaðar með eggjahvítu eða eggi og kryddaðar með brauðstangarkryddi yfir og undir þær.
Brauðstangirnar eru bakaðar í um 10 - 12 mínútur við 180 gráður.
Næring í 100gr Kolvetni: 33,3 gr Prótein: 12,2 gr Fita: 0,6 gr Trefjar: 1,3 gr Smelltu hér til þess að sjá TikTok myndband af því hvernig ég bjó brauðstangirnar til. Þú finnur þessa skráningu í Myfitnesspal appinu með því að leita að: Helga Magga eða brauðstangir. (Skráningin á við um tilbúna brauðstöng).
Endilega láttu mig vita ef þú prufar þessa uppskrift með því að tagga mig á instagram @helgamagga