Endilega prufið þessa uppskrift þegar þið eruð að skera út úr graskeri fyrir hrekkjavökuna. Það er líka skemmtilegt að gera þetta með krökkunum. Lyktin sem kemur í húsið er líka dásamleg.Uppskriftin er fiturík en það má sleppa olíunni, ég ætla að prufa það næst.
Innihald:
-Graskersfræ úr einu graskeri (132gr)
1 tsk olía/má sleppa og hafa fræin blaut
1 mtsk kanill
1 mtsk sykur eða gervi sæta
Smá vanilluduft eða vanilludropar
Smá salt
Byrjið á að skola graskersfræin og þerra þau aðeins. Setjið fræin í skál og blandið öllum innihaldsefnunum saman í skál og setjið á bökunarpappír.
Bakið við 160gr í 25 mínútur, (ég var með minn ofn stilltan á blástur. )
Næring í 100gr (heil uppskrift var 108gr)
Kolvetni: 31,7 gr
Prótein: 44,7 gr
Fita: 61 gr
Trefjar: 9,4 gr
Smelltu hér til þess að sjá TikTok myndband af því hvernig ég bjó graskersfræin til.
Endilega láttu mig vita ef þú prufar þessa uppskrift með því að tagga mig á instagram @helgamagga