top of page

Maíssalat

Þetta sumarlega maíssalat er ótrúlega ferskt og passar einstaklega vel með grillmatnum. Salatið passar einnig vel á taco og svo var ég með það í fertugs afmælinu mínu um daginn þá á grilluðu snittubrauði, það kom mjög vel út. Skemmtilegt og litríkt á veisluborðið.

Þessi uppskrift er unnin í samstarfi við MS - gott í matinn.

Innihald:

2 - 3 ferskir maís stönglar (345 g)

50 g ostakubbur frá MS

120 g sýrður rjómi 10%

1 paprika (185 g)

1 hvítlauksrif

safi úr einni límónu ásamt berkinum

ferskur kóreander eftir smekk

salt, pipar og chillí um 1 tsk af hverju

Þú byrjar á því að láta maísinn liggja í volgu vatni í um 10 mínútur, eftir það er maísinn grillaður í um 12 - 15 mínútur og honum snúið reglulega á grillinu svo allar hliðarnar grillist. Maísinn er svo kældur örlítið og skorinn af stilknum. Ostakubburinn og paprikan skorinn í litla bita, hvítlaukurinn pressaður og öllu blandað saman ásamt kóreandernum.

Næring í 100 gr

Kolvetni: 9.7 g

Prótein: 3.8 g

Fita: 4 g

Trefjar: 1 g

Endilega láttu mig vita ef þú prófar þessa uppskrift með því að tagga mig á instagram @helgamagga

Commentaires


bottom of page